.......................................................

.......................................................

Европски суд за човекови права
СТРАЗБУР
10 јуни 2010

Случај:
Томислав Спасовски против Република Македонија

Европскиот суд за човекови права во Стразбур ја утврди повредата на Член 6 од Европската Конвенција за човекови права во случајот на Томислав Спасовски против Република Македонија.

.......................................................

.......................................................

.......................................................

.......................................................

.......................................................

.......................................................

.......................................................

.......................................................

.......................................................

Тортура во Истражниот затвор „Скопје“– Скопје

На 23 Март 2009 година претставници на Хелсиншкиот Комитет  извршија посета на Затворот Скопје – Скопје. Цел на посетата беше да се испитаат наводите за постоење на случај на тортура, која се случила на  16 март во 20 часот во затвореното одделение во затворот, каде после смирувањето на меѓусебната тепачка на неколку затвореници, неколкумина надзорници продолжиле непотребно да ги малтретираат затворениците.

Делегацијата на Македонскиот Хелсиншки Комитет  при посетата се  сретна  со  Управата на Затворот Скопје – Скопје, медицинскиот персонал каде изврши и  увид во медицинските картони на затворениците, и разговараше со затворениците кои биле  подложени на тортура и нечовечко и понижувачко постапување и казнување. Од извршените разговори и добиените сознанија констатирано е дека  инцидентот настанал во понеделникот во вечерните часови, кога во затвореното одделение на истражниот затвор настанал конфликт меѓу неколку затвореници. Причина за расправијата биле кражбите кои често се случувале. Во еден момент започнатата расправија прераснала во тепачка, при што еден од затворениците, кој бил нападнат, почнал да вика и да бара помош. Откако се стивнало и се смирила настанатата ситуација во горенаведеното одделение при Затворот Скопје - Скопје притрчале стражарите. Од присутните во одделението зеле четворица затвореници, истите ги однеле во една од помошните простории каде им ги врзале рацете за радијатор, по што еден по еден ги носеле во тоалетот и ги удирале со палки. Неспорен факт е дека затворениците биле тепани најмалку од четворица стражари, додека другите нивни колеги гледале и не го спречиле инцидентот. Бројноста на стражарите кои учествувале во активното малтретирање врз затворениците, во секој случај останува предмет на докажување, кое се надеваме дека натамошната постапка ќе го утврди. Наводите за извршеното тепање и малтретирање врз затворениците делегацијата можеше да ги поткрепи и од самиот Увид во медицинската документација каде што лекарот констатирал повреди кај осудените, кои воглавно имаат модринки по телото во пределот на нозете и грбот.

Според претходно утврденото, постои основано сомнение за кривично дело Тортура, бидејќи затворениците биле непотребно малтретирани од стражарите, откако всушност се смирила состојбата и инцидентот во затворското крило, а во наведениов случај не може да станува збор за дозволена употреба на сила.

Хелсиншкиот Комитет од управата на затворот доби силно уверување дека се преземени сите мерки, но не е јасно зошто дури по два дена од инцидентот овој случај го документирала и се обратила до Управата за извршување санкции, што е законска обврска.

Во светлина на претходно изнесените наоди, Хелсиншкиот Комитет  и натаму е загрижен заради третманот на  затвореници во Затворот Скопје – Скопје,  и ги повикува националните власти бројните наводи за злоставување со нехуман и деградирачки третман на затворениците од страна на персоналот  да бидат објективно испитани и санкционирани до крај.